Martine konvoke, kilè yap konvoke “LE PARRAIN” Martelly pou lanmò Moise Jovenel la ?

155

Gen kèk pèsonaj map chache nan Martine Moïse depi 8 Jiyè 2021. M byen kwè se pa mwen sèlman. Vèv la ou fanm ki pèdi mari l nan sikonstans trajik kote l temwen asasina mari l, fanm ki manke mouri a, fanm tromatize a, manman ki ap proteje pitit li. Map chache moun sa yo nan Martine, m pa jwenn yon ti moso.

Lè m te tande Voice madanm sa a apre asasina Jovemerde la, swadizan pandan manzè ap pran swen nan lopital Miami, mwen te fè gwo diskisyon ak yon zanmi ki plizoumwen pwòch Tèt Kale pou m di l se pa vre madanm nan pa ka fè yon voice konsa sou kabann lopital, apre tout troma sa yo. Zanmi a te di m se bon sous. Malgre m te toujou refize bay kredi a eleman sou rezo sosyo osèvis gang krimimel politik Tèt Kale a ki te pibliye Voice la an premye.

Jodia, mwen resezi m. Tout konpòtman Martine demontre se yon voice ki te fèt ak bon jan vwa Martine. Teknikman palan, voice sa a te anrejistre anvan krim nan. Sèn pou Martine pat mouri nan asasina a te déjà planifye. Jij denstriksyon an gen kote pou l kwense manzè la a.

Enfòmasyon ki soti nan sous Anbasad an Ayiti fè konnen, jou swa Jovemerde mouri a, Ti Klod Jozèf pase tout nuit la nan lari, san l pa antre lakay li. Nan kòtèj li te genyen 4 Kolonbyen. Apre krim nan, Ti Klod fè 4 Kolonbyen yo desann machin li, sanble se apre li fin rete kote l te rete a ap pale ak Bob C nan Radio Karayib, lang li glise nan kouri di gen Kolonbyen ak Venezyelyen nan kòmando a ki asasinen Jovemerde la, li wè kontinye sikile ak Kolonbyen yo pap bon pou li. Kote Kolonbyen sa yo? Eske se Konlonbyen sa yo ki gen tan rive lakay yo Kolonbi paske Ti Klod fè sa l konnen pou l gen tan fè yo ale. Antouka, gen kèk detay m poko vle ale sou sa. Banm suiv kote jij denstriksyon an prale.

Antouka, mwen te déjà di depi m t ap obsève konpòtman Martine depi lè l tounen an, jès li ak mouvman l yo sanble ak ASASEN KI TOUNEN SOU LYE KRIM nan. Nan bon jan ti mamit, mwen aprann Martin pase plizyè jou ap kominike ak plizyè chef gang, anvan l antre an Ayiti. Babekyou se youn nan yo. Li ba yo modòd. “Nou pral lase bòt nou. Nou pral pile beton an. Nap mete pye nou atè”. Peye kòb pou mobilize gwoup moun nan plizyè zòn ak rejyon tankou kandida ki déjà an kanpay, se aksyon KRIMINEL ki ap bay tèt li IMINITE.
Jodia devan Palè Jistis la, prezans plizyè gangstè PHTK pale. Bandi an kagoul ki te vin manifeste yo e ki tap fè vyolans sou lòt gwoup moun ki tap mande Jistis pou Dorval yo, se manm gang Ti Junior nan Lasaline. Merdia rele yo sipòtè Martine. Men se bon jan manm gang.

Ak Magali Habitant ki te vini ak gang pa l yo dèyè l, sa rann Martine plis sispèk kòm Konplis krim kont mari l Jovemerde. Se menm Magali Habitant sa a ki te lwe kay kote Kolonbyen yo te viv la. Kay se kay Anne Valerie Milfort, chef kabinè Martelly, chef PHTKK. Malgre Magali te deklare li te kite kay la depi 3 mwa. Men kay la toujou rete pou Anne Valerie ak Patrice Milfort. E Kolonbyen yo te nan kay la depi 3 mwa.

Yo poko rive sou Martelly se vre. Men map tann ki lè yap rele Brigan ansyen prezidan Tèt Kale a.
Antre tan, nou pa remake se Martine ak rès ekip Tèt Kale a ki ap mande pou kouri ale nan Eleksyon san pèdi tan… San yo pa janm mande pou dezame gang yo. Épi pasifye bidonvil yo. Nou ka konprann téyat kriminel sa a ki ap jwe ak aktè asasen ki soti anndan plizyè branch PHTKK, se pa pou byen pèp Ayisyen.

Dah Vidole Gbemanyan